Зошто НЕ за апостолките?

Според експертите за стапала апостолките се одличен избор за на плажа или пак за на базен, но не и за подолго одење. Зошто? Дознајте во продолжение.

Ѓонот не дава соодветна поддршка

Она што ни изгледа како добра карактеристика на апостолките, односно нивната мекост и удобност, предизвикува стапалото да се свитка кон внатре. Ова може да предизвика болка во петата, стапалото, на мекиот дел околу прстите и во самите прсти.

Мускулите и тетивите премногу се напнуваат

Малата лента во облик на буквата V која се наоѓа помеѓу прстите е единственото нешто што ја врзува вашата нога за апостолката. Поради тоа кога одите ја грчите ногата, а мускулите и тетивите работат „прекувремено“.

Рамните обувки ја напрегнуваат Ахиловата пета

Доколку носите обувки со малку подигната пета, рамните обувки ќе ги растегнат мускулите во листовите од нозете.

Доаѓа до здебелување и пукање на кожата

Кожата станува тврда, а бидејќи стапалата се изложени на воздух може да стане и сува. Доколку не ја негувате соодветно ризикувате да си направите рани на нозете.

Болки во колковите и грбот

Кога одите во апостолки вообичаено се скратува чекорот, што може да доведе до болка и во другите делови од телото. Најчесто тоа е грбот и колковите.

Не даваат никаква заштита

Нозете се изложени на разни остри и нечисти предмети, па со тоа се зголемува ризикот од исекотини и разни повреди.